Go dira sentle ga se dietsele

A re bana ba, ba tshwanetse go itse gore go kgona go bona phatlha kwa dikgaisanong ke katlego fela e Batswana ba tshwanetseng go e itumelela.

Fa a bua kwa moletlong wa go amogela setlhopha se se neng se ile go emela lefatshe la Botswana kwa Congo, Brazzaville, tautona Khama o gateletse botlhokwa jwa gore Batswana ba tlhaloganye fa bana ba, ba dira ka thata le lorato go emela lefatshe la bone. A re ke seo tota go sa tshwanelang gore mongwe le mongwe a seka a baya bana mo kgatelelong ka go soofela gore ba tle ka dietsele, ka dikgaisano tse di se bonolo jaaka bangwe ba ka gopola.