Dikotsi tsa tsela di metsa bana � Mphephu

Go thubathubega ga ga Maphephu go senogile  mo phuthegong kwa kgotlengkgolo ya Letlhakane bosheng a bolela ka pelo e e keleketlang kgodu e khibidu gore mo kgweding e e fetileng go nnile le dikotsi tsa tsela tse di masisi fa gare ga motse, tse di akaretsang e mo go yone mokgweetsi mongwe a neng a thula a bo a bolaya bana ba mosadi a le mongwe, ba e bile e neng e le baithuti ba sekole se sepotlana sa Letlhakane.

O tsweletse a lela ka gore mo kgweding eno e tlhola masome a mabedi le bongwe, go ne ga nna le kotsi e mo go yone go neng ga thulwa ngwana a bo a tlhokafala, a tlatsa ka gore ditiragalo tsa go nna jalo ga di a siama gotlhelele, ka di bakela batsadi go hupa manyaapelo.