A re ikgakolole maina a dikgwedi

Potso ke gore, leina le, le raya eng?  Ga twe kgwedi e, ke kgwedi e lephoi le le bidiwang lehiri le tsalang ka yone. Go baakanyetsa go baya mae, lehiri le age sentlhaga ka dikgonyana. Motswana a bo a ntse a le lebile. A tsaya lefoko ‘lehiri,’ a le kopanya le lefoko ‘dikgong’ mme a bitsa kgwedi Hirikgong. Leina le, le ka kwalwa e le Hirikgong kgotsa Firikgong, ga tshwana fela, ga se ka ga senya sepe.

Maloba jale e ne e a re pula e se na go phaila, mmu o setse o tshwere bokgola, go lengwe. Bangwe ba ne ba tle ba itlhaganele ba leme pele, ba bangwe bone ba tswe kwa morago.