Ga a seegelwe tsebe

E a re Motswana a bua ka kgomo a re, ‘Ka e tlhoka ka tlhoka boroko, ka e rua le gone ka bo tlhoka.’

Go bua jaana o a bo a tshwenngwa ke gore fa a se na kgomo, botshelo bo a mo thatafalela, a tshele ka bosesane. A jaanong a nne nayo. Nako nngwe e mo tlele ka dingwe tse di seng monate. A bowe a bo tlhoke boroko. Go bonala fa se e le sone se se diregang kwa Moiyabana, motse mongwe wa kgaolo ya Legare. Go utlwala gore koo, go ditsheko tse dintsi di bakwa ke loruo go senyetsa batho. Go kaiwa fa loruo lo, e le dihutshane le dikgomo tse beng ba tsone ba di filweng ka lenaneo la LIMID mme di ruetswe mo gae. Go bo di le mo gae, di a senya. Ga twe di ja dithunya, ditlhare tsa mekgabisa le tsa meruti, meriti, mo go botlhoko. Go ntse jaana, go tsoge ditsheko tsa gore loruo lo sentse. Go sale jalo, loruo lo, lo  bolelwa lo tlhaetsa batho metsi ka lo nosiwa mo malwapeng. Go bo go ntse go sa siama ka metsi a mo gae, ke a batho ga se a loruo. Go bona go ntse jaana, ga twe Kgosi Mokopakgomo Kgomokgwana a roma magosana go laela batho go hudusetsa loruo kwa masimo le merakeng. Go ya ka polelo ele, bontsi jwa itlhokomolosa taelo ya ga kgosi. Bangwenyana fela ke bone ba dira jaaka kgosi a ne a laotse. Jaaka gale, re ne ra nna ra anapa, ra kopana le  Dikgang (Daily News) Phalane 2 2020 mme moo ra sela polelo ele, e e reng kwa Moiyabana loruo lo senyetsa batho thata.  Fa e bua ka fa e reng batho ba ne ba amogela ka teng  taelo ya ga kgosi ya go ntsha loruo mo gae, polelo ya re;

‘bangwe ba ntse …..fela fa manotonyana ba seegela mafoko a gagwe tsebe.’

Editor's Comment
Bulela Ditswe entry fee could hamper broke talent

The fees have been doubled from the previous amounts and raise concerns about political participation accessibility and democratic representation principles.This significant fee increase prompts questions regarding its impact on grassroots democracy.On one hand, the fees act as a filter, ensuring only serious contenders enter the race, potentially reducing frivolous candidacies and generating crucial campaign funds. The BDP argues that aspiring...

Have a Story? Send Us a tip
arrow up