Tlogelang go lomana ka meno

Sekai ke sa bosheng,  jaaka gone go diragala ko lekgotleng la mabelo (BAA), le mo go lone go iphotshitseng maloko a le mmalwa, mme ebile bangwe ba ntse ba tswa ka bongwe ka bongwe. Lekgotla le la mabelo la Botswana le tswa kgakala le sa robalelwa ke ditlhokwa, mme tota ntwa kgolo e le go kgalwa bobe ga komiti, bogolojang maloko mangwe a a gogang kwa tlhogong ke ditlhopha tse eleng maloko a lekgotla.

Ditlhopha tse di nna fela di kgala thata komiti ka se ba reng ke go sa tsamaisiweng sentle ga lone, selo se re eletsang go se kgala ebile re sa kgale mathe ganong.