Re etse tlhoko kgotlhang ya batho le ditlou � Tona Khama

Tona Khama o buile se kwa Palamenteng bosheng, a re lephata la gagwe le na le molawana wa go laola kgotlhang fa gare ga batho le ditlou. A re molawana o,o itshegeditse ka molao wa Tshomarelo Diphologolo le Makgabisanaga wa 1992, ka tshetlana ya masome a mane le borataro (46) le ya masome a mane le bosupa (47).

Khama o boleletse Palamente gore, ditshetlana tse a di umakileng, di sireletsa batho, dijwalo, leruo le kgokelo ya metsi le dikagelelo tsa mafelo a bone. O tsweletse a re, e rile kgwedi ya Phukwi e simologa ka ngwaga wa 2015, puso ya simolodisa molao wa go phimola dikeledi ba malwapa a batho ba ba bolailweng ke diphologolo tsa naga.