Podi e tsetse dipotsane di le tlhano

Mafoko a, a ka buiwa botoka thata ke Harrison Boyboy Molefe wa motse wa Oodi kwa kgaolong ya Kgatleng, ka dipodi tsa gagwe bontsi di tsala dipotsane di le tharo gantsi, mo erileng bosheng nngwe ya dipodi tsa gagwe ya tsala dipotsane di le tlhano.

Goya ka Molefe, dipodi tsa gagwe ke tsa lesika ka bontsi jwa tsone di tshabelelwa ke go tsala dipotsane di le pedi go ya kwa go tse tharo. A re mme le fa di tsala boraro jaana, bogolo jang ka go sa tlwaelesega gore dipotsane tsa tsone di tsholwe di itekanetse sentle di sena bokoa bope.