Dilalome tsa Mahalapye

Mmamadi o tlhalositse fa bontsi ja dititeo tse di diragala fa bana ba, ba sena go itshiela dinotagi. O tsweletse a tlhalosa gore mo malatsing a keresemose le ngwaga o mosha, ba kwadisitse melato ele mebedi e bana ba neng ba betsa bommaabone.

“E ne yare ka keresemose ra begelwa fa mosimane wa dingwaga tse 23 a iteile mmaagwe mo go masisi kwa kgotlaneng ya Tshikhinyega. Dititeo tse di tlogetse mmaagwe mosimane ka dikgobalo go tlhalositswe fa di diragetse morago ga gore mosimane a lope madi a goya go reka bojalwa mo go mmaagwe yo a ileng a supa faa sena madi,”ga tlhalosa Mmamadi.