Ba Kgalagadi Bokone ba tla akola bojanala-Tona Khama

Tshekedi o buile se fa ane a araba potso kwa palamenteng ka Mosupologo, a bolela fa lekalana la Conservation International le dirile lenaneo la tshomarelo tikologo ya kwa Bophirima jwa Kgalagadi, e bontsi eleng Kgalagadi Bokone.

Tshekedi a re lenaneo le, le itebagantse le ditiragalo dile mmalwa tse di ka thusang go godisa bojanala jwa kgaolo e. A re lephata la gagwe le okametse thulaganyo e, ebile le setse le simolotse go diragatsa mengwe ya megopolo ya lenaneo le.