Ga se go tsenya moko

Botswana ke lefatshe la dipaka tsa ngwaga tse di farologanyeng thata. Go a tle go nne selemo, se fete, se salwe morago ke mariga. E re selemo, letsatsi le nne bogale, mogote o nne montsi.

mme e re bangwe re itumetse,  ba bangwe ba lele ba re mogote o montsi o a ba lwatsa. Go tle mariga, e re bale ba itumela, ba itumelela gore mogote o montsi ole o fetile, bangwe ba lele ka mariga a a bo a tsile ka serame mme ke gone bao, ba tsogelwe ke makoa a a botlhoko thata. Jalo he, ba ba se ke ba rate mariga fela jaaka bale le bone ba sa rate selemo. Go nne thata; e ne e kete dilo di ka bo di itlhophelwa, motho a itlhophela gore ngwaga yotlhe e nne selemo e seng mariga, fa yole ene a ne a ka itlhophela mariga.. Mme ka ke tlholego, go nne thata gore go ka fetolwa lobopo. Go fetola mang, jang? Ga go ope.

Go nne jalo di tlhatlologane ka go farologana ga tsone dipaka. E re mariga a tsenye, batho bangwe ba re, fa e le bana ba sekole bone, serame seo, se ba babalela thata. Go twe, bana ba a ne ba sale ba tsogile ba ipaakanyetsa go ya sekoleng, bangwe ba se lata kgakala mme motho a gata fela ka lonao, le fa e le mpheetshane a sa mo rwala; ke gore a sa rwala ditlhako. Bangwe go twe, ba tswa ba apere kapari fela ya gale, ba sa baya sepe fa godimo go thibela serame seo. Kgang e felele e re, seemo se, se kgoreletsa bana go ithuta ka ba tlaa tlhola koo, ba sitilwe, mmele o boboanye, e re le go rutwa, ngwana a se ke a tshware sepe.

Editor's Comment
Botswana deserves ideal political leaders

This remains to be seen, particularly as opposite unity has been seeing its ups and downs. In 2012, three opposition parties namely the Botswana National Front (BNF), the Botswana Movement for Democracy (BMD), and the Botswana National Front (BNF) formed a political alliance under the Umbrella for Democratic Change (UDC). The Botswana Congress Party (BCP) would, after rebuffs, join the coalition in 2017.The promise made by the coalition to its...

Have a Story? Send Us a tip
arrow up