E re go tlhalefa ngaka le bolwetse o ....

Ba kgaogana ka ditsela. Fa Nthepha a ya Tsabong, Tshetsana  a leba Bobonong. Ba kopana jaana Tshetsana a le mosha go goroga mo Kopong.  Ene a segofala a boa kwa Bobonong, a tla gae. Nthepha ene o ne a sa ntse a ipotsa gore, a e tlaa re tsatsi lengwe, le ene a ipone a direla kwa gae, kwa Ratholo.

Ka ka nako eo ditsela e ne e ise e nne tsone sentle, go ne go le thata gore ba etelane. Le gone go tlhaeletsanya ka mogala tota go se motlhofo. Letsatsi la ditshupo la thusa la ba kopanya. Ga apewa, ga jewa, dikgang di ela jaaka noka e tletse. Morago ga dijo ke le setse le ile. Tshetsi a se ka a tlhola a re o fodisa matshego. Ba laelana, a gopola Kopong.