A ke leleme, maleme?

Ga twe ka one ngwaga oo, ke fa puso e simolola go baya ditsha mo Kgomodiatshaba. Re tlaa tsaya gore, ka ke foo go ne go bewa ditsha, batho ba ne ba simolola go thibelela ba phuthologile, ba sa tshabe gore, e ka re gongwe,  ka moso ba rutlololwa, go twe ba ipeile fela foo. O bolelwa a thaegile jalo Kgomodiatshaba. Gore go tsile jang gore go tle go tshwarelwe moletlo wa diteme koo, foo ga  go  bolelwe. Mme one moletlo wa diteme ke eng?

Go bolelwa fa moletlo o, e le wa go ipelela dipuo tse batho, ka go farologana, re di buang. Jaaka re itse, mono Botswana re tshaba e le nngwe, re bua Setswana; mme gape re merafe e e farologanyeng.