Tlou e gata ka eng?

Ba re, le fa gone ba ne ba ntse ba sa ye ga Mma Ditshe, e ne e se gore ba mo latlhile. Ba re e ne e le fela gore, letsatsi lele, ba ne ba sa fitlhela sepe kwa ga gagwe. Mme ka ba ne ba ka se ka ba tlhola fela, ke gone ba ya go wela kwa ga Sega.

Jaaka re ne ra bona nako ele, fa ba tsena koo, ba fitlhela go na le sengwe sa go ka fetisa letsatsi.  Ka go utlwa go sa farologane thata le ga ga Mma Ditshe, dinao tsa bone tsa simolola go tlwaela ga Sega, e kete ba tlaa lebala Mma Ditshe.