Segwetshana se gata bohutsana

Potso e tlaa nna gore, segwetshana se ke eng. Segwetshana se, ke bogobe jo bo tsentsweng ditlhatshana (melemo) dingwe tsa Setswana

Bogobe jo, bo a apewa, bo butswe, le fa gone bo sa wele sentle. Fa bo se na go butswa, go bidiwe bana ba tle go ja. Ga e re go jewa, go tsholwe; go jelwa fela mo potwaneng e e neng e apeile. Bana ba ja ka go tlhomagana ga bone. Go ja yo motona pele mme a latelwe ke ba bannye, (bomonnawe) le bone ba ntse ba tla ka go tlhatlologana ga bone. Fa go na le wa mosimane, ene le fa a le monnye mo go ba basetsana, o ja pele. Ka ke monna, ga twe ke ene rraabo, o tshwanetse go ja pele ga basadi le bomonnawe.