Kuke Kolo-maano ga a site

Kolo a re o tsholetswe kwa motseng wa Hukuntsi, Ferikgong a le bongwe, ka ngwaga wa 1958.  A re morago ga go tsholwa a ya go nna le batsadi ba gagwe kwa Namibia. A re rraagwe o ne a bereka kwa dipolaseng tsa Samara mme ba kgona go bona dijo. Kolo a re o ne a sa itse gore a rraagwe o ne a duelwa ka tsone dijo kgotsa madi.

A re botshelo bo ne bo se maswe mo go kalo go fitlhelela rraagwe a tlhoka kutlwano le bahiri ba gagwe. A  re e ne ele ba letso la Seburu ba ba neng ba tshwenya babereki ba bone thata. Kolo a re letsatsi lengwe rraagwe a lwa le mongwe wa bone.