Iketleleng boloto � Tshireletso

Go kgala moo go dirilwe ke modiri wa lefelo la tlhatlhobelo ya mogare la Tebelopele kwa motseng wa Letlhakane mo kgaolong potlana ya Boteti, Rre Sane Tshireletso.

Tshireletso, yo o tumileng kwa motseng oo ka ntlha ya go nna mongwe wa badiragatsi mo mererong ya metshameko kgotsa terama, o ne a bua le baithuti ba sekole sa tiro ya diatla kwa Letlhakane e leng Boteti Brigade ka Labotlhano wa beke e e fetileng. A re segajaja sa HIV/AIDS ga se mafoko a banyana ba le kwa mmantlwaneng; ka jalo Batswana ba tshwanetse go tshwaragana jaaka ngata ya bojang ka maiteko a go tlhabantsha mmaba yo o setlhogo. A re go mo pepeneneng gore banana ke bone ba ba amegileng thata fa go tla mo bothateng jwa mogare wa HIV, ka jalo ba tshwanetse go itlhokomela ka dinako tsotlhe.