Dikhwaere di romela molaetsa ka EMV

Fa e ne e le kgaisano ya dikhwaere di le lesome le bongwe tse di tswang mo kgaolong yotlhe ya Kgatleng, le e le nngwe go tswa Ga-Mmangwato.

Dikhwaere tse, di ne di le mo ntweng e e matlho mahibidu ya kgaisano e e neng e rotloediwa ke lekgotla la ditlhopho la Botswana mabapi le go gasa molaetsa ka motshine o mosha wa ditlhopho(EMV) o puso e bolela fa o tla a dirisiwa e le lantlha mo ditlhophong ka ngwaga ya 2019. Eleng seo jaanong lekgotla la ditlhopho le bonang go le kaone gore Batswana, ba eleng bone batlhophi ba seka ba goroga kwa ngwageng ya ditlhopho ba sena kitso ka one.