Banna ba sianye ba le maponapona

 Naledi, e ne ya utlwalela seo mme ya kubakuba jaaka pitse ya motsomi go ikutlwela ka tsoopedi mabapi le tiragalo eo. Batswasetlhabelo ba tlhomamisitse gore ke nnete ba iteilwe setlhogo ke magodu, a ba apola diaparo, a ba a ba tshosetsa go ba thubetsa le go kgaola tsebe ya yo mongwe ebong Sepadi.

Sepadi yo Naledi e mo fitlhetseng a le mo ditlhabing tsa go ketekwa le go kgaolwa tsebe ya molema, a re ntshenatshe e ba diragaletse mo Letlhakane kwa lefelong le le bidiwang Phase 1 bosigogare.