Ka tsebe gone a reng? (3)

Maloba re ne ra wetsa kgang ya rona ka go tlhalosa lefoko ‘go tsaya ka tsebe.’ Re ne ra re, papisapuo e, e  raya go reetsa, o bo o utlwa kana o tlhaloganya se se buiwang, mme go tswa foo, o bo o sa dire sepe, o sa tseye kgato epe ka sone. Go tlhalosa bapisapuo e, ra nna ra boelela kgang ele ya bogodu jwa loruo kwa Kang e le sekai.

Ra re, fa e le gore morafe o ne wa tlhama makgotlana a ntebela ke go lebele, go lwantsha bogodu joo, jaaka kgosi le mapodisi ba ne ba kgothatsa, Setswana se tlaa re, morafe o ne wa tlhwaela molaetsa wa mapodisi tsebe.