Tsela ya Modipane/Mabalane ke eo!

Mabiletsa o bile a ngongorega ka gore e na le go ntshetswa madi, mme morago a tsewe a isiwe kwa ditseleng tsa dikgaolo di sele, a re go raya gore e yone e batla gore ditonki di mele dinaka pele ga e ka dirwa, se jaanong go lebega se diregile ka puso e tsere tshwetso ya go e aga ka lenaneo la go rudisa itsholelo (ESP) ngwaga o o tlang.

E rile bosheng, mo loetong la Seromamowa sa Botswana kwa metseng ya noka ya Madikwe kwa Mmathubudukwane, mogolwane wa dikomiti tsa ditlhabololo tsa metse yotlhe ya noka, Richard Phokontsi a bolela fa ba tletse ka boitumelo mabapi le go tshelwa sekontere ga tsela ya Mmamashia/Mabalane, kgotsa Modipane/ Mabalane. Tse dikgang di tla a dira gore Mabiletsa a bone boroko ka tota gone go supagala gore tsela e ga e mo robatse gotlhelele.