Rotlhe re paledisitse makgarebe

Ee, mongwe o ka re mme gone se sutlheletse kwa kgaisanyong ya sejana sa lefatshe go ya go nkgisanya magwafa le mafatshe a mangwe a le one a iponetseng phatlha. Potso e nne gore jang?

Makgarebe a Botswana, a iponetse ka phatlha morago ga go duelelwa go nna bone batshegetsi ba kgaisanyo e, mo go rayang gore tota fa e ne ese ka maitlwelobotlhoko a a lekgotla la bolotlowa, Botswana o ka bo a utlwile tshutlhelelo e nkga fela jaaka enyense. Mabaka a boammaaruri ke gore le fa makgarebe a ne a tshameka sentle kgatlhanong le mafatshe a mangwe, go bonetse sentle gore gaa ise a siame sentle go lwa fa go le thata.