Re tsweletse ka kwadiso ditsha � Gaorutwe

Fa a bua le Naledi ka Mosupologo, Gaorutwe o boletse gore Lephata la Ditsha le Matlo le boloditse letsholo la go kwadisa ditsha, mme go le mo maruding a makgotla a kaboditsha go ralala lefatshe lotlhe la Botswana go akaretsa le la Oodi go tlhomamisa fa beng ba ditsha ba di kwadisa ka nako e ba e beetsweng. O tlhalositse gore lekoko la lekgotla la gagwe le dule mo diofising go leba kwa baaging ba kgaolo go ba atamela gore ba kwadise ditsha tsa bone ntle le mesepele epe e meleele.

Mme Gaorutwe a re o kopa beng ba ditsha mo metseng ya kgaolo ya gagwe ka go farologana, ebong Oodi, Matebele, Dikwididi, Modipane, Mokatse Morwa le Bokaa go tlhomamisa gore fa lekoko la bone le le kwa metseng ya bone ba kwadise ditsha tsa bone ka dipalo tse di kwa godimo, kgotsa botlhe.