Ngwaga o mosha kwa morakeng

Naledi e ne ya kubakuba jaaka pitse ya motsumi mo merakeng mengwe jaaka Marulamantsi, Mhisenyane, Tuutebe, Nxeekhudi, Tshwanyane, ka mabaka a go bona gore koo batho ba keteka jang malatsi a boitapoloso a mafelo a ngwaga e leng matsalo a Morena le ngwaga o mosha.

Ka nnete mo merakeng eo mmegadikgang yo o ne a fitlhela e le gore banni ba koo ba thuma mo boitumelong jo bo sitang baboledi. Melodi le megolokwane ya boitumelo e ne e lela kgaboeledi fa badisa ba leruo le beng ba lone ba ne ba amogela ngwaga o mosha wa 2016.