Mothusa Mogokgo o sekela go kgweetsa a nole

Baratiseng o ne a felela a baka kotsi ya tsela fa dikoloi tse pedi di ne tsa felela di wele fa gare ga motse wa Xere le Rakops, kgwedi ya Mopitlo e robabobedi ngogola. Baratiseng o ne seka a ipona molato e bile a ikemetse kwa ntle ga mmueledi.

Tsheko e ne e tsamaisiwa ke Inspector Moffat Seakonyane wa kampa ya  sepodisi sa Rakops mme ya re go tsweleleng ga yone, bosekisi jwa bitsa basupi ba le bane ba ba akaretsang batswasetlhabelo mo kotsing gammogo le mapodisi a a neng a tsibogela pego ya kotsi ba bo ba e tlhotlhomisa.