Moreri o petleka poko ka Nkokowe

Mmoki wa Setswana yo o tumileng, Moroka Moreri, o sa tswa go araba dipotso tse ka go somola alebamo ya poko, e e duleng ka bokgabane jo go seng ope yo o ka bo ikgatholosang ka e le se se ntseng se emetswe ke barati le balatedi ba gagwe.

Moreri kana Teacher jaaka a tlwaetsweng ka teng, ga a itsenya dingalo ka go batla leina la alebamo e ya gagwe, ka a e biditse fela a re Nkokowe, e yone a swatlhameditseng dipina di le lesome le botlhano mo go yone go supagala sentle gore o ntse a tlhodumetse dingwaga di le mmalwa a apaya a bo a apaya.