Mekaloba e tshwere bothata

Liki e e tshotse ditlhopha tse di marapo a thata tse di ka kgonang go itsa TAFIC, TASC le ECCO go boa fela jaaka setlhopha sa Serowe sa Green Lovers se ne sa fenya liki ya ngwaga e fetileng go iponela phatlha kwa liking ya beMOBILE, TAFIC le TASC di ntse di le teng.

Se fela ka bosone se supa gore ditlhopha tse Green Lovers e di tlogetseng mo liking e di tshwana le Kazungula FC, Sowa Flamingoes, Tsa Botlhe le tse dingwe go ralala kgaolo yotlhe ya Bokone, tse le tsone di eletsa go ipona kwa beMOBILE.