Mclean o fentse Sebego kwa Kgatleng

Bokopano jo bo ne jwa kgaogana morago ga go busediwa gape ga maloko otlhe a komiti e e ntseng e tsamaisa kgaolo e ka boeteledipele jwa ga Clifford Mogomotsi.

Fa phuthego e simolola, go ne ga bolela fa le letsatsi e le la go tshwara ditlhopho fela, eseng sepe gape ka bontsi jwa dikgang tsa phuthegokgolo tsone di sa le di tshwerwe fela mo bokopanong jwa ntlha kgwedi tse pedi tse di fetileng. Ka go neng ga rolwa dipego tsa modulasetilo wa lekgotla, pego ya mokwaledi le ya mo tshola madi ka go latelana ga tsone, mme ka ntlha ya tlhoka tumalano ka gore a ke go tshwarwe ditlhopho kgotsa nyaaa, maloko a hapaana ka mafoko.