Man+ball le Super K ba ikgapetse difene

Motshameko ya bo ele magareng ga matona a puso le bakwaledi le bathusi ba bone, ele ba maphata a puso, mme gape motshameko ele bontlhabongwe jwa go keteka malatsi a badirelapuso.

Nako ya bobedi mo phatleng, manno a marulelo a bo tletse thii! Manno a a tlwaetseng go bidiwa gotwe panda le one fela jalo. Gotswa borwa ga bo ikgorosa setlhopha sa bakwaledi se eteletswe pele ke mokwaledi wa ga Tautona Carter Morupisi, ka bosweu le mekgabisa e e botala jwa loapi. Setlhopha sa matona a puso sa goroga gotswa bophirima se setswe morago ke meduduetso le melodi ya barati ba kgwele ya dinao mmele ele badirelapuso.