MaDomi ba jesa Boko dipodi

Morago ga ditlhopho tsa Sekoma, metswedi ya ditlhaeletsanyo e ne ya tlala ka dipuo, bogolo jang tsa maDomi ba itumeletse phenyo ya phathi ya bone. Bangwe ba dirisa le tsone dinepe go sotla  kganetso(sekhukhu) le bogogi jwa sone, jaaka setshwantsho sa dipodi di eja tautona Duma Boko.

Pele ga go iwa ditlhophong tsa poeletso tsa kgaolwana ya Sekoma, e e ntseng ele mo diatleng tsa phathi ya kganetso ya Puo-Phaa(BNF) ka Matlhatso, go ne go sisibetse thata, go sa tlhaloganyesege gore e ya go gapiwa ke ba fe. Fela, metswedi ya dikgang, morago ga go utlwalela fa phathi e nngwe ya kganetso ya Mogobagoba(BCP) e dumetse go gata mmogo le tsa sekhukhu(UDC), e ne ya neela sekhukhu letsogwana le le fa godimo.