Mabelo a dipitse, Ngurungu di tla natefisa Ghanzi

Diphologolo tseo ke tsa mabelo, mme ele dipitse tse di tlaabong di thuntshitse lerole mo kgaisanyong, fa mo tshokologong go tlaabo go tabogile phologolo ya metsi go tswa Maun, ‘Ngurungu’ kgotsa Sankoyo Bush Bucks.

Lebelo la dipitse ke motshameko wa mmamoratwa go ralala kgaolo yotlhe ya Kgalagadi le Ghanzi. Se ke ka ntlha ya gore baagi ba dikgaolo tse ba itsege thata ka go rua dipitse ka dipalo tse dintsi.  Se se dira gore motshameko wa lebelo la dipitse e bo e le one o o nang le tatedi e ntsi thata. Mme go solofetswe fa barati le balatedi ba one ba tlaa tsena ditshupo tse tsa Ghanzi ka dipalo tse di itumedisang.