Lesego: Mma mogolokwane wa monana

Botswerere jwa gagwe le mmoki Kopanang Tito jwa  felela bosigo joo, bo ntshitse tlhogo, dikgantshwane di tsere maemo a ntlha mo kgaisanyong e e ne e le mashetla thata ya poko. Maabane jaana bokgeleke jwa gagwe bo ne bo roromisa seromamowa sa Botswana le sa Motsweding fa di gasa kabo dietsele ya ntlha ya poko ya setso ka barulaganyi ba poko ba Molaletsa Poetry Ensemble kwa sekolong sa Limkokwing.

Naledi e ne ya sala setswerere se sa morobanyana morago, kwa motsing wa Kumakwane, go tlotlatlotla nae ka talente ya gagwe.