Lefatshe le rontshitswe Muhammad Ali

Le fa bontsi jwa batho ba itse thata ka ramabole yo, bogolo jang ka fa a neng a dira ka teng ga setse a le mo mosakong a lebagane le yo a lwang le ene, ga go sepe se sentsi se se ntseng se buiwa ka ene go lemotsha batho ka ga ene. Jaaka a ne a kaiwa thata ka go bina jaaka serurubele, go loma a loma botlhoko jaaka notshi, se ke sone fela se barati le balatedi ba gagwe ba ntseng ba se itse ka ene botshelo jotlhe jwa gagwe.

Ka jaanong a sa tlhole a le mo botshelong, lefatshe le simolotse go utlwa dikarolo tse dingwe tse di pharologanyo ka mogaka le sekgantshwane se sa mabole, dingwe e le tse di bolelang gore e ne e le motho yo o lebole thata. Gatwe e ne e se motho yo o maikgantsho, ebile a rata thata go thusa bao botlhe ba kopang thuso ya gagwe, mo godimo ga se o ne a rata go bona ba bangwe le bone ba tswelela mo matshelong a bone.