Kirikete e atla ba-na-le-bogole

Ramakrishna o boleletse Naledi mo puisanong fa ba setse ba fitlheletse maikaelelo a bone a dingwaga tse di fetileng a go isa kirikete kwa Batswaneng, bogolo jang mo dikoleng tse dipotlana kwa a reng ba setse ba na le batshameki ba le ba ntsi thata. A re bangwe ba bone ba setse ebile ba bidiwa mo ditlhopheng tsa setshaba go ya ka go farologana ga dingwaga tsa bone, a tlhalosa fa se e le go supa sentle ga BCA e semeletse sentle.

Ka jaanong BCA e setse e apesitse dirile go le gontsi mo go ruteng Batswana ka motshameko wa bone, go tloga fela ka batshameki, batsamaisi le balaodi ba one, ba bona go le botlhokwa gore ba simolole lenaneo le lesha la go tswelela ba ruta Batswana kirikete. Lenaneo le, Ramakrishna a re ke le le amang ba-na-le bogole ba le bone a re go botlhokwa thata gore le bone ba tsene mo motshamekong o, o a reng le kwa mafatsheng a mangwe go dirwa jalo.