Khama o itsheka keledi, a rapela

Go oketsa pharologanyo ya ngwaga e, Tautona Lt General Dr. Ian Khama a rothisa keledi ditshaba di mo labile.  A boa a diga sefatlhego a tswala matlho a rapela gore Modimo a bule loapi pula e ne.

Tse tsotlhe tse ya bo e le ditiragalo tse tshaba ya Botswana le baeng ba neng ba di lebile ka matlho kwa lebaleng legolo la metshameko mo toropokgolo Gaborone. Go ne go kokoanywe teng go bona metseletsele ya ditiragalo tsa ipelelo BOT50 e e saleng e simolola go rulaganngwa ngogola.