Kgaisano e re rutile sengwe � Lebotse- Sebego

Sebego a re gone le fa gantsi kgaisano nngwe le nngwe motsaya karolo a tshwanetse go fenya, ga go reye gore ga o sa fenya ga gona maduo a motho a ka ipelang ka one, jaaka go ithuta mo se se ntseng se diragala, eleng seo a dumelang gore bone jaaka lekgotla le lefatshe la Botswana ba itumelela se ba neng ba se bona fa kgaisanyo e ntse e tsweletse.

A re kgaisanyo e, e ne e tsenwe ke mafatshe a a setseng a itshupile jaaka mekaloba ya bolotlowa mo kgaolong ya Aferika, a afa sekai ka mafatshe a tshwana le Uganda, Zimbabwe le Aferika Borwa, a a reng ke one a Botswana e ithuang go le gontsi mo go one. A re go ne go itumedisa thata go bona basetsana ba Botswana ba tlhwaafaletse go nkgisana magwafa le dinatla tsa mafatshe one a, bogolo jang ka ba sa le ba botlana.