Heelang, a monate wa paseka banna!

Erile mesepele e meleele ya malatsi a e wela, Batswana ba ikgata metlhala go boela kwa ba nnang teng ka ntlha ya ditiro tsa letsatsi le letsatsi la go batlela bana phaletshe, mme Naledi ya bo e tabogile le magorogelo a dipalamo tsa setshaba ka go farologana go utlwa gore Batswana ba a ketekile jang le gone kae. Magorogelo a dipalamo tsa setshaba a matona kwa Gaborone a bo a itemogela dipalo tse di kwa godimo thata tsa dibase le dikhombi tse di neng di goroga ka matshwititshwiti a batho ba tswa gaufi le kgakala.

Letsapa la mesepele e meleele la bo le bonala mo difatlhegong tsa ba ba neng ba goroga go tswa bokone, bophirina, fa bangwe ba ne ba lapisitswe ke go tlola melolwane kwa ba reng ba ne ba ile go obamela Modimo teng. Bogolo jang kwa Aferika Borwa, kwa Masione a letshwao la Naledi le Leeba ba reng ba ne ba lebile kwa Moria.