Ga le a latlhega � Khama

Khama, o tlhomamisitse seo mo kgweding e e fetileng e ya fifing pele ga go gorosiwa ngwaga o mosha wa 2016. O ntshitse mafoko ao ka letsatsi le ka lone a neng a abela bana le bagodi ba motse wa Mosu kwa Boteti dimpho tsa keresemose le ngwaga o mosha tse di neng tsa amogelwa ka melodi le megolokwane.

Khama o boleletse banni ba Mosu ba ba neng ba tsile kgotleng ka makatanamane gore  mokgwa o wa gagwe wa go abela ba bangwe segolobogolo ba ba itlhaelang o tswa mo botennyeng jwa pelo ya gagwe mme e bile o tlaa o tsweledisa mo tshabeng eno go ya bosakhutleng. A re e le ruri mo matlhong a Morena  go molemo lebogo le le abang gonne ga twe le tla amogela go menaganye. Ka jalo are Batswana ba ba kgonang ba tshwanetse go rwala boikarabelo jwa go abela ba bangwe gonne gatwe molomo fa o ja o a bo o roga o mongwe.