Batswana bogologolo ba ne ba itse fa dikgwa di le botlhokwa ka di ne di ba tsholetse diphologolo le ditlhare tsa maungo ka mefuta. Mme gape ba ne ba itse fa e le gone kwa meraka le mahudiso a ka dirwang teng. Ba ne ba sa remakake sekgwa sengwe le sengwe fela. Mme fa go tlhokegang gore go ka dirwa sengwe ba ne ba rerisanya le dikgosi tsa bone pele ga ba ka dira jalo esere gongwe ba tloga ba iphitlhela ba sentse naga le mororo go sa tlhokafale.
Magosi a ne a itse gore dikgwa tse ke bonno jwa diphologolo le dinonyane tsa naga tse di sa tshwanelang go tshabela kgakala ka ntlha ya go tlhoka bonno jo bo sireletsegileng, ebile bo na le dijo tse di lekaneng go ka jewa. Ebile gape ditlhare di ne di thusa batho ka phefo e e tswang mo go tsone.