BOT50 ditshabeng

Se se ka dira gore dikokomane di fitlhele ditso di kwadilwe ke ba ba neng ba le teng ka ngwaga ya BOT50. Go ne ga itumedisa gape go bona Batswana ba ba kwa mafatsheng a sele ba kopane go ipelela BOT50 gongwe le gongwe kwa ba leng teng.

Fa Batswana ba tsweletse ba kgabisa lefatshe la bone ka ditiragalo le mebala e mentle ya folaga ya Botswana, go ne go jewa go latlhwa, kwa Aferika Borwa. Le gone koo Batswana ba ne ba tlhanasetse go supa gore le fa ba ka tswa ba seyo kwa gae, se ga gona ka mokgwa ope se ka ba kgoreletsegang mo go ipeleleng dingwaga tse dintsi tsa phitlhelelo ya lefatshe la bone.