A re bontsi jwa batho bao ke batswakwa mme ebile ba dikgoka fela thata. A re ba kotsi mo ba tsamayang ka didirisiwa tse di borai mo matshelong a bone. Manthe a re le fa ba bona batho ba go nna jalo ele baeteledipele ba motse, ba re ba ba lemotsha gore se ba se dirang ga se tsamaiso ba ba tshosetsa matshelo.
A re matshelo a bone a mo diphatseng ka ntlha ya batho ba. O ne a tswelela ka gore ebile ba latlhela le dilo tse di borai mo metsweding e ba rorang metlhaba mo go yone. Manthe a re se se diphatsa mo banning ba motse wa bone le metsi aa fitlhelwang mo metsweding e go tsewang metlhaba mo go yone. Manthe a re leruo la bone le lone le mo diphatseng ka magodu a motlhaba ba o utswa ka dipalo tse di kwa godimo.