Batswana ba kgotlhana ka waire

Bosheng jaana go ne go leba yoo sebete jaaka ditlhopha tsa Fencing go tswa Serowe, Selebi- Phikwe le Tlokweng di ne di thulane mo kgaisanyong ya motshameko o go lwela phatlha mo kgaisanyong ya mafatshe a le mane e e tlang.

Le fa motshameko o, o santse o lwa le go anama le lefatshe lotlhe la Botswana, batshameki ba one ka mafelo a beke ba ne ba supa kitso le talente fela e e kwa godimo. Go na le tsholofelso ya gore maikaelelo a bone a na le bokamoso jo bontle. Babogedi ba ba neng ba tletse lebala ba ne ba aja monate go bona batshameki ba supa bokgabane jo bo kwa godimo jwa go tshameka ka diwaire tse go kgotlhanwang ka tsone.