Basarwa ba nyoretswe thuto

Kopo eo e dirilwe bosheng ke moithuti wa mophato wa botlhano wa sekole se segolo sa Letlhakane (LSS), Kemmonye Andrious, mo potsolosong le Naledi kwa morakeng wa Marulamantsi, malatsinyana pele ga dikole di bulwa monongwaga. Kemmonye yo eleng kgarejwana ya Mosarwa, a re  thuto ke yone peo ya bokamoso jo bo senang bana ba phefo. Ka jalo are bana ba Basarwa ba mafelo a a farologanyeng  jaaka Marulamantsi, Nxeekhudi, Mhisenyane, le mafelo a mangwe, ba tshwanetse go e tlhagafalela gore bokamoso jwa bone bo seka jwa khurumediwa ke mouwane.

Moithuti yo wa LSS, a re bontsi jwa bana ba Basarwa ba tsaya thuto loleya mo fa gongwe ba felelang ba phuagantse sekole ka mabaka a a senang mosola jaaka go nwa bojalwa, boimana,  go kgatlhwa ke go nna badisa kwa merakeng.