Baopedi ba opela Tebelopele 2036

Gops a re o itumelela go bo tautona, Lt General Ian Khama a tlhomile lekoko la tebelopele 2036 go dikologa lefatshe lotlhe go tsaya megopolo le dikgakololo mo Batswaneng nako esale gale. O  boletse fa se ele sone se tlaa thusang gore ere e simolodisiwa Batswana babo ba itse sentle ka yone. Are se se supa fa tautona Khama a tlotla morero.

Ka e le kgosana, Gops a re o tlaa rotloetsa morafe wa gagwe mo kgotlaneng go emela tebelopele 2036 ka dinao. A re o ba kopa gore ere lekoko le le kgabola ka Letlhakeng ba tsene diphuthego ka bontsi go thusa ka megopolo le dikgakololo mabapi le motse le lefatshe la bone.  Fa a ama tsa bodiragatsi le kopelo, Gops a re le bone ele baopedi le badiragatsi, ba tshwanetse go rwala tebelopele e ka magetla ba thuse puso ka ditsela tsotlhe tse ba ka di kgonang. O leboga thata ka ebile lekoko lena le kemedi ya makalana otlhe go balelwa le la bodiragatsi le mmino.