Baikopedi ba babalelwa ke go tlhoka metsi

Kwerepe o ne a araba potso kwa Palamenteng bosheng, a bolela fa batho ba le lekgolo, masome a matlhano le bongwe (151), kwa kgaolong potlana ya Tutume, ba sa ntse ba letile go thusiwa ka dihutshane. Kwerepe o ne a araba potso e ne e tla ka Mopalamente wa Nata-Gweta, Paulson Majaga. 

Majaga o ne a boditse Tona Eric Molale, a arabelwa ke mothusi wa gagwe Rre Kwerepe, gore a o itse fa baikopedi ba lenaneo la nyeletso lehuma, ba ba neng ba abetswe dipodi le dikgomo, ba se na kwa ba nosang teng.