A ga re leboge?

Pele ga re felela pele, a re gakolole gore Dikgang/Daily News (Dikgang Labobedi Phalane 29 2013) e kwadile mafoko a a reng re a nyalana a, jaaka e kete ke seele (sentence), ntswa e se seele, e le leina. Ka ke leina, mafoko a marao a, a tshwanetse go tshwaragana ya nna Reanyalana fela jaaka e a re ngwana a biditswe leina go twe 'Re a leboga,' re lebogela gore re filwe ngwana, leina leo le kwalwe e le Realeboga, mafoko ale a tshwaraganye. E re dilo dingwe tse di maswe di ne tsa diragala, motsadi a re 'Ke di bonye' mme leina le kwalwe e le Kedibonye. E ke nngwe phoso e re tshwanetseng go e ela tlhoko fa re kwala maina a a bopilweng ka diele.