Tebelopele 2036 ke ya rona � Kgosi Puso

Kgosi Puso a re fela jaaka dipaakanyetso moletlo o motona wa go ipelela dingwaga tse di masome a matlhano lefatshe la Botswana le ntse le ipusa di tsweletse, Batswana ka kakaretso le dikgosi ka boeteledipele jwa bone, ba tshwanetse ba dirisa diphuthego tse di tsweletseng tsa tshekatsheko ya Tebelopele ya 2016, le go kanoka diphitlhelelo le dikgwetlho tsa tebelopele e, go bopa megopolo ya go segela pele dipilara tse di tla akanngwang go lebisa Botswana ko kae, ka Tebelopele ya 2036.

Kgosi Puso yoo fentseng Kgosi Galeakanye Modise ka tlhopho ya dipalo dile masome a mabedi gona le bale lesome le boraro, a re mowa wa boipelego le tshwaragano o diretswe mosako ke marara mme se supilwe ke ditso tse di nankolang seabe sa marara gotswa goolowe. Kgosi Puso o tsweletse a re dikgang tsa dinonyane tsa gore Ntlo ya Dikgosi kana dikgosi ka bo tsone ga dina seriti, go ka seke ga kwalelwe kwa gae ka tsone.