Rekang Botswana- Seretse

Seretse a re go santse go na le Batswana ba ba rekang dithoto dingwe kwa ntle ga lefatshe leno ntswa go na le bosupi jwa gore di teng mono gae. Tona a re go reka dithoto tsa mo gae go ka thusa lenaneo la go kabakanya itsholelo a re go dira jalo go ka thusa go godisa maiteko a go fa Batswana dithata tsa itsholelo le go fokotsa lehuma le letlhoko la ditiro.

E ne erile go le pele, Mopalamente wa Kgatleng Botlhaba, Isaac Davids a supa fa a sa eme nokeng tona gore a fiwe madi a a lopang. Mabaka a ga Davids ke gore ene o dumela gore puso ya lefatshe leno ga e dire go lekane go nonotsha Batswana mo go tsa kgwebo le itsholelo.