Re lomeng tsebe re tlaa lo jesa sengwenyana �Makhura

Makhura a re fa setshaba se ka ba tlhaba podi matseba, ele ba sepodisi ba tlaa ba jesa sengwe go ba tiisa moko. O buile se kwa bokopanong jwa mokgatlho wa Captive Bosheng, a bolela fa puso e ba neela madi mangwe a a ka dirisiwang go atswa ba ba ba lomang tsebe mo dikgannyeng tsa borukhutlhi.

Mogolwane yo o boletse dituelo tsa go loma tsebe di farologana go lebilwe bokete jwa kgang. A re e are morago ga go tsibogela moswadilo wa kgang, ba dire gotlhe go sireletsa molomatsebe  mme a seke a dirisiwe jaaka mosupi fa kgang e thaiwa le go sekwa.