Polka e ka rudisa itsholelo � Toto

Toto o buile jalo fa a ne a amogela baeng le merafe ya metse ya Kgalagadi Borwa kwa maitisong a mmino wa Polka kwa Tsabong, bosheng. Toto, yo gape eleng moemedi wa kgaolo ya Kgalagadi Borwa kwa Ntlong ya Dikgosi, a re o eletsa go bona moletlo wa polka o gola le go kgona go thusa baagi ba kgaolo ya gagwe, go tswakanya itsholelo ya bone. Kgosi Toto a re ka mmino o, go ka rulaganngwa gore o nne bontlhabongwe jwa dikgaisanyo tsa ditshupo tsa kgaolo tsa temothuo mme bafenyi ba ka iphimola sethitho ka matsana a ba ka tlhabololang ditlhopha tsa bone ka one.

Toto o rotloeditse barulaganyi ba tiro eo go ngoka dikompone go rotloetsa maitiso ao ka ele bontlhabongwe jwa go bapatsa dikgwebo tsa bone ka bojanala jwa kgaolo ya Kgalagadi.