Police XI e ntlhabisitse dithong - Sefhako

Morago ga gore setlhopha sa Gilport Lions se ntshe ikuelo ya gore motshameki wa Popa ebong Ofentse Nato ga a kwadisiwa sentle mme ya fenya kgang ya bone, ditlhopha tsa Police X1, Miscellaneous le Mochudi Centre Chiefs le tsone dine tsa tsenya ikuelo e e tshwanang le ya Lions ka maiteko a go ka atswiwa ka dintlha mo kganyeng eo. Erile pele ga dikgang di sekwa ke ba komiti ya kgalemo lenyatso, setlhopha sa Police X1 se ne sa supa fa se ikgogela morago mo kgannyeng eo, ebile ba supa fa basa tlhole ba tla ikuela.

Kgang ene ya nna madubadube ka jaana go kile ga tswa taolo ya gore Popa e tseelwe dintlha tse di lesome di fiwe ditlhopha tse Nato a dirisitsweng mo go tsone. Ene yare morago komiti ya kgalemo lenyatso ya liki ya ntsha taolo e nngwe ya gore Popa e busediwe dintlha tseo ka jaana ba ne ba dumela fa kgang e sa reediwa sentle.